મોરબીના ઘૂટું ગામે પત્ની સાથે છૂટાછેડા બાબતે બોલાચાલી થતાં આધેડે ઝેરી દવા ગટગટાવી
Morbi Today
હળવદના ટીકર ગામે ઝેરી દવા પી ગયેલ યુવાનનું સારવાર દરમિયાન મોત
SHARE
JOIN OUR GROUP
હળવદના ટીકર ગામે ઝેરી દવા પી ગયેલ યુવાનનું સારવાર દરમિયાન મોત
મોરબી જિલ્લાના હળવદ તાલુકાના ટીકર ગામે રહેતા યુવાને વીસેક દિવસ પહેલા ઝેરી દવા પી લીધી હતી.જેથી તેને મોરબીની હોસ્પિટલ બાદ રાજકોટની ખાનગી હોસ્પિટલમાં લઇ જવામાં આવ્યો હતો અને ત્યાં સારવાર દરમિયાન ગતરાત્રિના યુવાનનું મોત નિપજયુ હોવાનું સામે આવ્યું છે.
બનાવની રાજકોટ સુત્રો પાસેથી જાણવા મળતી વિગતો પ્રમાણે હળવદના ટીકર ગામે રહેતા કુલદીપ દિનેશભાઈ દેલવાડીયા નામના 18 વર્ષના યુવાને ગત તા.9-6 ના રાત્રીના બારેક વાગ્યાના અરસામાં ઝેરી દવા પી લીધી હતી.જેથી તેને તાત્કાલિક મોરબીની આયુષ હોસ્પિટલમાં લાવવામાં આવ્યો હતો અને અહીં સારવાર બાદ તેને વધુ સારવાર માટે રાજકોટની ગોકુલ હોસ્પિટલ ખાતે લઈ જવામાં આવ્યો હતો.દરમિયાનમાં વીસેક દિવસની સારવાર બાદ આજે તા.29-6 ના રાત્રીના દોઢેક વાગ્યાના અરસામાં સારવાર દરમિયાન કુલદીપ દિનેશભાઈ દેલવાડીયા નામના 18 વર્ષના યુવાનનું મોત થયુ હતું.રાજકોટ ખાતેથી મળતી ઉપરોક્ત માહિતી સંદર્ભે હાલ બનાવનું કારણ સામે આવ્યું નથી અને આ બાબતે હળવદ પોલીસને જાણ કરવા માટે તજવીજ શરૂ કરવામાં આવી હોવાનું જાણવા મળેલ છે.
મારામારીમાં ઈજા થતાં સારવારમાં
મોરબીના સામાકાંઠે સોઓરડી વિસ્તારમાં આવેલ રામદેવપીર મંદિર પાસે રહેતા ધનજીભાઈ દેવાભાઈ જાદવ નામના 69 વર્ષના વૃદ્ધને ઘુનડા-સજનપર ગામની સીમ વિસ્તારમાં મારામારીના બનાવમાં ઇજાઓ પહોંચી હતી.જેથી ઇજાગ્રસ્ત હાલતમાં તેઓને મોરબીની સિવિલ હોસ્પિટલમાં સારવાર માટે લાવવામાં આવ્યા હતા.મારામારીના આ બનાવની હોસ્પિટલ તરફથી સીટી એ ડિવિઝન પોલીસ સ્ટેશન ખાતે જાણ કરવામાં આવતા સ્ટાફના વી.કે.પટેલે પ્રાથમિક તપાસ કરી હતી.જોકે આ બનાવ ટંકારા પોલીસ મથક વિસ્તારનો હોય આગળની તપાસ અર્થે ત્યાં જાણ કરી હતી.
બાઇક સ્લીપ
મોરબીના લાતી પ્લોટ વિસ્તારમાં રહેતો સેડાત સાહિલ રફિકભાઈ (18) નામનો યુવાન મોરબીના મહેન્દ્રપરા વિસ્તારમાં ખૂણા ઉપરથી બાઇક લઈને પસાર થતો હતો ત્યારે ત્યાં રસ્તામાં તેનું બાઇક સ્લીપ થઈ ગયું હતું. જેથી ઈજા પામેલા યુવાનને મોરબીથી ખાનગી હોસ્પિટલમાં સારવાર માટે લઈને આવ્યા હતા અને આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવી છે
