મોરબી નજીક ટ્રકના ચાલકે ડબલ સવારી બાઈકને હડફેટે લેતા યુવાનનો પગ ચગદાઈ જતાં કાપવો પડ્યો: ગુનો નોંધાયો
Morbi Today
મોરબીમાં બોલેરો ગાડીના ચાલકે બાઇકને હડફેટે લેતા ઇજા પામેલા વૃદ્ધ સારવારમાં
SHARE
JOIN OUR GROUP
મોરબીમાં બોલેરો ગાડીના ચાલકે બાઇકને હડફેટે લેતા ઇજા પામેલા વૃદ્ધ સારવારમાં
મોરબીના સનાળા રોડ ઉપર સરદારબાગની સામેના ભાગમાં ભરાતી શાક માર્કેટમાં શાકની ખરીદી કરવા માટે થઈને વૃદ્ધ પોતાનું બાઈક લઈને જઈ રહ્યા હતા ત્યારે બોલેરો ગાડીના ચાલકે તેના બાઇકને હડફેટે લીધું હતું જેથી વૃદ્ધને પગની આંગળીઓમાં ફેક્ચર, પગના નળાના ભાગે ઇજા અને માથામાં હેમરેજ થયું હતું જેથી તેને સારવાર માટે લઈ ગયા હતા અને સારવાર લીધા બાદ તેણે મોરબી એ ડિવિઝન પોલીસ સ્ટેશન ખાતે બોલેરો ગાડીના ચાલક સામે ફરિયાદ નોંધાવતા આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ મોરબીના વાઘપરા શેરી નં-૨ માં આવેલ સત્યનારાયણ એપાર્ટમેન્ટના બ્લોક નંબર ૩૦૧ માં રહેતા સુભાષભાઈ નાગજીભાઈ કોટક જાતે લોહાણા (૬૩) નામના વૃદ્ધ પોતાનું બાઈક નંબર જીજે ૩ ઇબી ૧૧૨૧ લઈને મોરબીના સનાળા રોડ ઉપર આવેલ સરદાર બાગની સામેના ભાગમાં ભરાતી શાક માર્કેટ ખાતે શાક લેવા માટે થઈને ગયા હતા ત્યારે સરદારબાગ નજીક બોલેરો ગાડી નંબર જીજે ૧૨ બીવાય ૨૦૭૭ ના ચાલકે તેના બાઇકને હડફેટે લીધું હતું જેથી અકસ્માત થયો હતો અને અકસ્માતના બનાવમાં બાઇક લઈને જઈ રહેલા ફરિયાદી વૃદ્ધને ડાબા પગની આંગળીઓમાં ફ્રેક્ચર અને ડાબા પગના નળાના ભાગે ગંભીર ઈજા થયેલ છે તેમજ માથાના ભાગે હેમરેજ થયું છે અને શરીરને પણ ઇજાઓ થઈ હતી જેથી તેને સારવાર માટે લઈ ગયા તેને સારવાર લીધા બાદ ભોગ બનેલા સુભાષભાઈ કોટક દ્વારા મોરબી એ ડિવિઝન પોલીસ સ્ટેશન ખાતે બોલેરો ગાડીના ચાલક સામે ફરિયાદ નોંધાવવામાં આવતા પોલીસે ગુનો નોંધી આગળની કાર્યવાહી હાથ ધરી છે અને આ અંગેની આગળની વધુ તપાસ એ.એમ. જાપડીયા ચલાવી રહ્યા છે
મહિલા સારવારમાં
મોરબીમાં આવેલ ચામુંડા નગરમાં રહેતા ગૌરીબેન ચિરાગભાઈ સાગઠીયા (૨૯) નામની મહિલાને તેના ઘરે તેના પતિ દ્વારા મારવામાં આવતા ઈજા પામેલ મહિલાને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી બી ડિવિઝન પોલીસને જાણ કરવામાં આવતા પોલીસે આગળની કાર્યવાહી હાથ ધરી છે અને આ બનાવની આગળ વધુ તપાસ જે.જે. ડાંગર ચલાવી રહ્યા છે
મારામારીમાં ઇજા
મોરબીમાં આવેલ શક્તિ ચેમ્બરની પાછળના ભાગમાં ઉમિયા નગરમાં રહેતા ધનજીભાઈ કરસનભાઈ સાવરીયા (૪૫) નામના યુવાનને તેના ઘરે મારામારીના બનાવમાં ઈજા થઈ હતી જેથી ઈજા પામેલ યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપીને હોસ્પિટલ મારફતે મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરીને આગળની રાબેતા મુજબની કાર્યવાહી હાથ ધરી છે
