મોરબીમાં રોટરી કબલ દ્વારા આયોજિત ધમાલગલીમાં બાળકોથી વૃદ્ધ સુધીનાઓ માજા માણી
Morbi Today
મોરબીના વાવડી રોડે ભગવતીપરા નાકા પાસે જુગાર રમતા ત્રણ શખ્સની ધરપકડ
SHARE
JOIN OUR GROUP
મોરબીના વાવડી રોડે ભગવતીપરા નાકા પાસે જુગાર રમતા ત્રણ શખ્સની ધરપકડ
મોરબીના વાવડી રોડ ઉપર આવેલ ભગવતીપરા નાકા પાસે જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે જાહેરમાં જુગાર રમતા ત્રણ શખ્સો મળી આવ્યા હતા જેથી પોલીસે ૧૦,૨૦૦ ની રોકડ કબજે કરી જુગારધારા હેઠળ ગુનો નોંધી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ મોરબી એ ડિવિઝન પોલીસની ટીમ પેટ્રોલિંગમાં હતી ત્યારે મોરબીના વાવડી રોડ ઉપર આવેલ ભગવતીપરાના નાકા પાસે જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી અને ત્યારે તુષારભાઈ ઘનશ્યામભાઈ ગોહિલ જાતે ખવાસ (૨૭) રહે. વાવડી રોડ ગાયત્રી નગર શેરી નં-૩ મોરબી, મુન્નાભાઈ દેવાભાઈ લામકા જાતે ભરવાડ (૩૬) રહે. વાવડી રોડ ભગવતીપરા મોરબી અને અમુભાઈ બાબુભાઈ ગુઢડા જાતે ગઢવી (૩૬) રહે. માધાપર શેરી નં-૧૭ મોરબી વાળા જુગાર રમતા મળી આવ્યા હતા જેથી કરીને પોલીસે ૧૦,૨૦૦ ની રોકડ કબજે કરી આગળની રાબેતા મુજબની કાર્યવાહી હાથ ધરી હતી
અકસ્માતમાં ઇજા
મોરબી નજીકના રવાપર ગામે રહેતા કુબાવત ગીતાબેન (૫૫) નામના મહિલા બાઇકમાં પાછળના ભાગે બેસીને રવાપર ગામે આવેલ ગોલ્ડન માર્કેટ પાસેથી પસાર થઈ રહ્યા હતા ત્યારે ત્યાં કોઈ કારણોસર તે બાઈકમાંથી નીચે પડી જતા અકસ્માતના બનાવવા તેઓને ઈજા થઈ હતી જેથી કરીને તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડીવીઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરી હતી અને આ બનાવની પ્રાથમિક તપાસ વિપુલભાઈ પટેલ દ્વારા કરવામાં આવી છે
માર માર્યો
મોરબી તાલુકાના જીકિયારી ગામે રહેતા ખીમજીભાઇ ઉગાભાઇ સોલંકી (૫૫) નામના આધેડને તેઓ પોતાના ઘરે હતા ત્યારે તેના દીકરાએ લાકડી વડે માર માર્યો હતો જેથી કરીને ઈજા પામેલા ખીમજીભાઇ સોલંકીને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી કરી હતી
