મોરબીના શનાળા ગામ પાસેથી મળી આવેલ રોકડા રૂપિયા મૂળ માલિકને પરત અપાયા
Morbi Today
મોરબી નજીક ટેન્કરમાંથી ગેસ ચોરીના ગુનામાં પોલીસે હોટલના સંચાલક બાદ બે મુખ્ય આરોપીઓની કરી ધરપકડ: એક આરોપીઓની શોધખોળ ચાલુ
SHARE
JOIN OUR GROUP
મોરબી નજીક ટેન્કરમાંથી ગેસ ચોરીના ગુનામાં પોલીસે હોટલના સંચાલક બાદ બે મુખ્ય આરોપીઓની કરી ધરપકડ: એક આરોપીઓની શોધખોળ ચાલુ
મોરબીના નાગડાવાસ ગામના પાટિયા નજીક હોટલના ગ્રાઉન્ડમાં ગેસ ટેન્કરમાંથી ગેસની ચોરી કરવામાં આવતી હતી ત્યારે પોલીસે રેડ કરીને સ્થળ ઉપરથી ટેન્કર, બોલેરો ગાડી સહિત ૨૮ લાખથી વધુનો મુદ્દામાલ કબ્જે કરેલ હતો આ ગુનામાં તે સમયે પોલીસે હોટલ ભાડે રાખનારા હોટલના સંચાલકની ધરપકડ કરી હતી અને હાલમાં બે મુખ્ય સુત્રધારની ધરપકડ કરી જેલ હવાલે કરાયા હોવાની અને એક ડ્રાઇવર હજુ પકડવાનો બાકી હોય તેને પકડવા માટેની આગળની કાર્યવાહી શરૂ કરેલ છે.
થોડૈ સમય પહેલા મોરબીના નાગડાવાસ ગામના પાટીયા પાસે માલાણી હાઇવે હોટલના ગ્રાઉન્ડમાં ગેસના ટેન્કરમાંથી ગેસની ચોરી કરવામાં આવી રહી હતી જેથી કરીને માલાણી હાઇવે હોટલના ગ્રાઉન્ડમાં પોલીસે રેડ કરી હતી. ત્યારે ગેસની ચોરી કરીને ભરવામાં આવેલ બાટલા, બોલેરો અને ટેન્કર નંબર કેએ ૧ એએમ ૯૯૨૧ મળીને કુલ રૂા.૨૮,૦૫,૪૦૬ નો મુદ્દામાલ કબ્જે કરાયો હતો.જે બાબતે મોરબી તાલુકા પોલીસ સ્ટેશને ગુનો નોંધીને વાહન છોડીને નાસી ગયેલા આરોપી સહિતનાઓની સામે ગુનો નોંધીને આરોપીઓને પકડવા માટે તજવીજ શરૂ કરી હતી.આ ગુનામાં જે હોટલ પાસે વાહનો ઊભા રાખીને ગેસની ચોરી કરવામાં આવી રહી હતી તે માલાણી હાઇવે હોટલ ભાડે રાખનારા સંચાલક ચુનીલાલ રામલાલ લેગા જાતે જાટ (૨૮) રહે. માળીયા હાઇવે નાગડાવાસ પાટીયા પાસે માલાણી હાઇવે હોટલ મોરબીની પોલીસે અગાઉ ધરપકડ કરી હતી અને બાકીના આરોપીને પકડવા માટે તજવીજ ચાલુ હતી.
દરમિયાનમાં તાલુકા પોલીસ સ્ટાફે ઉપરોક્ત ગેસ કટીંગ કરી ગેસ ચોરીના બનાવમાં મુખ્ય આરોપી એવા મદનગોપાલ સોહનરામ પુનિયા જાતે બિસ્નોઈ (૨૩) રહે.ગાયત્રીનગર વાવડી રોડ મોરબી અને સુનિલકુમાર રીડમલરામ મંડા જાતે બિસ્મોઈ (૨૯) રહે.ગાયત્રીનગર વાવડી રોડ મોરબી વાળાઓની ધરપકડ કરી હતી અને તેઓને કોર્ટમાં રજૂ કરતા તેઓના રિમાન્ડ મંજૂર થયા હતા અને તે રિમાન્ડ પૂર્ણ થતા હાલ તે બંનેને પણ જેલ હવાલે કરાયા હોવાનું પોલીસ સૂત્રોમાંથી જાણવા મળેલ છે.હજુ આ કેસમાં એક ડ્રાઇવરને પકડવાનો બાકી હોવાનું પણ પોલીસે માહિતી આપતા જણાવેલ છે.
યુવાન સારવારમાં
મોરબી તાલુકાના ખારચિયા ગામે રહેતા પુષ્પરાજસિંહ સહદેવસિંહ જાડેજા નામનો ૨૩ વર્ષનો યુવાન વહેલી સવારે ચારેક વાગ્યે બાથરૂમ કરવા માટે ઉઠ્યો હતો અને બહાર ગયા હતા ત્યારે ત્યાં કોઈ જનાવર કરડી ગયું હતું જેથી તેઓને અત્રે આયુષ હોસ્પીટલે સારવાર માટે લાવવામાં આવ્યા હતા અને ત્યાં તેઓની સારવાર કરવામાં આવ્યા બાદ તાલુકા પોલીસને જાણ કરવામાં આવી હોય બીટ વિસ્તારના જમાદાર ફિરોજભાઈ સુમરાએ તપાસ કરી હતી.
વૃદ્ધા સારવારમાં
મોરબીના લખધીરવાસ નજીક આવેલ સુથાર શેરીમાં રહેતા નિમિષાબેન હસમુખભાઈ ત્રિવેદી નામના ૬૦ વર્ષના વૃદ્ધાને વાહન અકસ્માતમાં ઈજા થતા અત્રેની ઓમ ઓર્થોપેડિક હોસ્પિટલ ખાતે સારવાર માટે લઈ જવામાં આવ્યા હતા તેઓ બાઈકના પાછળના ભાગે બેસીને જતા હતા ત્યારે મોરબીના ગ્રીનચોક વિસ્તારમાં તેઓનું બાઈક અકસ્માતે સ્લીપ થઈ જવાનો બનાવ બન્યો હતો જેમાં ઇજા પામતા તેમને સારવારમાં લઈ જવાયા હોય એ ડિવિઝન પોલીસ મથકના એચ.એમ.ચાવડાએ પ્રાથમિક તપાસ કરી હતી.
