મોરબીના લાતી પ્લોટ માં કલર કામ કરતાં સમયે શોટ લાગતા યુવાનનું મોત
SHARE
JOIN OUR GROUP
મોરબી શહેરના લાતી પ્લોટ વિસ્તારની અંદર આવેલ કારખાનામાં કલર કામ કરતા સમયે ઇલેક્ટ્રીક શોટ લાગ્યો હતો જેથી કરીને યુવાનનું મોત નિપજયુ હતું ત્યારબાદ તેના મૃતદેહને મોરબીની સિવિલ હોસ્પિટલ ખાતે લઈને આવ્યા હતા અને આ બનાવની મૃતક યુવાનના પિતા દ્વારા મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ થઇ હતી
માળીયા મીયાણા તાલુકાના નાનીબરાર ગામે રહેતા બચુભાઈ મોમૈયાભાઈ ચાવડા જાતે આહિર (૬૨) નો દીકરો નિલેશભાઈ બચુભાઈ ચાવડા જાતે આહિર (૩૩) રહે. નાની બરાર વાળો મોરબી શહેરના લાતી પ્લોટ વિસ્તાર ની અંદર આવેલ જૈન એન્ટરપ્રાઇઝ કારખાનામાં ત્રીજા માળે રવેશના ભાગે કલર કામ કરી રહ્યો હતો ત્યારે કલર કામ કરતાં સમયે તે યુવાનને ઇલેક્ટ્રીક શોટ લાગ્યો હતો જેથી કરીને તેને ૧૦૮ મારફતે તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટરે તે યુવાને મૃત જાહેર કર્યો હતો ત્યારબાદ મૃતક યુવાનના પિતા બચુભાઈ ચાવડા દ્વારા આ અંગેની મોરબી સીટી એ ડિવિજન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી
