મોરબીના આધેડની માલીકીની જમીન ઉપર બે દુકાન બનાવનાર ત્રણ શખ્સોની સામે લેન્ડ ગ્રેબિંગ
SHARE
JOIN OUR GROUP
મોરબીના આધેડની માલીકીની જમીન ઉપર બે દુકાન બનાવનાર ત્રણ શખ્સોની સામે લેન્ડ ગ્રેબિંગ
મોરબીના રાજપર ગામે રહેતા આધારેની ટંકારામાં માલિકીની જમીન આવેલ છે જેના ઉપર ગેરકાયદેસર બે દુકાનો બનાવી નાખવામાં આવી છે અને તે જમીન પચાવી પાડવામાં આવી છે જેથી ભોગ બનેલા આધેડ દ્વારા જિલ્લા કલેકટર કચેરી ખાતે લેન્ડ ગ્રેબિંગ હેઠળ અરજી કરી હતી અને જેમાં ફરિયાદ લેવાનો હુકમ કરવામાં આવ્યા બાદ હાલમાં ટંકારા તાલુકા પોલીસ સ્ટેશન ખાતે ત્રણ શખ્સોની સામે લેન્ડ ગ્રેબિંગનો ગુનો નોંધીને પોલીસે આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી પ્રમાણે મોરબી તાલુકાના રાજપર ગામે રહેતા અને ખેતી કામ કરતા દીપકભાઈ કરમશીભાઈ મારવાણીયા જાતે પટેલ (૫૨) એ હાલમાં ટંકારા તાલુકા પોલીસ સ્ટેશન ખાતે આમદભાઈ નુરાભાઈ માડકીયા અને હનીફભાઈ નુરાભાઈ માડકીયા રહે. બને સરકારી દવાખાના પાસે ટંકારા તેમજ અલીભાઈ આમદભાઈ બાદી રહે. ખીજડીયા વાળાની સામે લેન્ડ ગ્રેબિંગની ફરિયાદ નોંધાવી છે જેમાં તેને જણાવ્યુ છે કે, ટંકારાના સર્વે નંબર ૭૩૫ વાળી જમીન હે ૦-૭૩-૮૯ વાળી જમીન ઉપર ગેરકાયદેસર બે દુકાનો બનાવીને જમીન પચાવી પાડેલ છે જેથી કરીને ભોગ બનેલા આધેડ દ્વારા જિલ્લા કલેકટર કચેરીમાં લેન્ડ ગ્રેબિંગની અરજી ગત ફેબ્રુઆરી મહિનામાં કરી હતી અને ત્યારબાદ લેન્ડગ્રેબિંગ સમિતિ દ્વારા જમીન પચાવી પાડનાર સામે ફરિયાદ દાખલ કરવા માટે હુકમ કરવામાં આવ્યો હતો જેથી હાલમાં ફરિયાદ લઈને પોલીસે ત્રણ શખ્સો સામે લેન્ડ ગેબીંગનો ગુનો નોંધી આરોપીને પકડવા માટે તજવીજ શરૂ કરી છે
