વાંકાનેર નજીક બે યુવાન ઉપર તોતિંગ ટ્રક ચડાવી એકનું મોત નિપજાવનાર વાહન ચાલક સામે ગુનો નોંધાયો
Morbi Today
મોરબીમાં બાઇક ચોર પકડાયા બાદ જુદાજુદા વિસ્તારમાંથી વધુ ૩ બાઈક ચોરીની ફરિયાદો નોંધાઇ
SHARE
JOIN OUR GROUP
મોરબીમાં બાઇક ચોર પકડાયા બાદ જુદાજુદા વિસ્તારમાંથી વધુ ૩ બાઈક ચોરીની ફરિયાદો નોંધાઇ
મોરબી શહેરના લોહાણાપરા, અયોધ્યાપુરી રોડ અને પાડાપુલ નીચેથી સમયાંતરે ત્રણ વ્યક્તિઓના બાઈકની ચોરી કરવામાં આવી હતી જે સંદર્ભે હાલમાં ભોગ બનેલા વ્યક્તિઓ દ્વારા સ્થાનિક પોલીસ સ્ટેશનમાં ચોરીની ફરિયાદ નોંધાવવામાં આવતા પોલીસે બાઈક ચોરીના ગુના નોંધીને આગળની રાબેતા મુજબની કાર્યવાહી હાથ ધરી છે.
જાણવા મળતી માહિતી પ્રમાણે મોરબીના લોહાણાપરા શેરી નંબર-૧ માં રહેતા રફીકભાઈ બાબુભાઈ ચારણીયા જાતે ખોજા મુસ્લિમ (૫૩) એ મોરબી એ ડિવિઝન પોલીસ સ્ટેશન ખાતે ચોરીની ફરિયાદ નોંધાવી છે જેમાં તેને જણાવ્યું છે કે, તેણે પોતાનું બાઈક નંબર જીજે ૩ એચકયું ૪૦૯૨ પોતાના ઘર પાસે પાર્ક કરીને મૂક્યું હતું જે બાઈકને કોઈ અજાણ્યો શખ્સ ચોરી કરી ગયેલ છે જેથી ૨૦૦૦૦ ની કિંમતના બાઈકની ચોરી થયેલ છે તો મોરબીના આલાપ રોડ ઉપર આવેલ ખોડીયાર પાર્ક શેરી નંબર-૨ માં રહેતા નિતેશભાઇ વશરામભાઈ રૂપાલા જાતે પટેલ (૪૭)એ મોરબી એ ડિવિઝન પોલીસ સ્ટેશન ખાતે બાઇક ચોરીની ફરિયાદ કરી છે જેમાં જણાવ્યું છે કે, મોરબીના અયોધ્યાપુરી મેઇન રોડ ઉપર આવેલ ખોડીયાર બેરિંગ નામની દુકાન પાસે તેણે પોતાનું બાઈક નંબર જીજે ૩ સીબી ૦૪૩૯ પાર્ક કરીને મૂક્યું હતું તે ૨૦ હજારની કિંમતના બાઈકની ચોરી કરવામાં આવેલ છે જેથી પોલીસે ચોરીનો ગુનો નોંધી રાબેતા મુજબની કાર્યવાહી હાથ ધરી છે આવી જ રીતે મોરબી શહેરના વીસીપરા વિસ્તારમાં આવેલ કુલીનગર-૧ માં રહેતા ઇમરાનભાઈ અનવરભાઈ મિરજા જાતે સિપાહી (૩૨)એ મોરબી બી ડિવિઝન પોલીસ સ્ટેશન ખાતે ચોરીની ફરિયાદ નોંધાવી છે જેમાં તેને જણાવ્યુ છે કે, મોરબીમાં પાડાપુર નીચે ભરાતી રવિવારી બજારમાં તે ગયો હતો ત્યારે તેણે પોતાનું બાઈક નંબર જીજે ૩ સીજી ૪૨૦૧ પાર્ક કરીને મૂક્યું હતું જે ૨૫,૦૦૦ ની કિંમતનું બાઈક કોઈ અજાણ્યા શખ્સ દ્વારા ચોરી કરવામાં આવેલ છે જેથી પોલીસે ચોરીનો ગુનો નોંધી રાબેતા મુજબની કાર્યવાહી હાથ ધરી છે અત્રે ઉલેખનીય છે કે, થોડા દિવસો પહેલા મોરબી સીટી એ ડિવિઝન પોલીસ સ્ટેશન ખાતે ૧૪ ચોરાઉ બાઇક સાથે ચતુર કુકાભાઈ ભોજવિયા નામના શખ્સની પોલીસ દ્વારા ધરપકડ કરવામાં આવી છે ત્યારબાદ હવે બાઈક ચોરીના ગુના નોંધાઈ રહ્યા છે.
દેશી દારૂ
હળવદ તાલુકાના પાંડાતીર્થ જવાના રસ્તે સુંદરગઢ ગામના સ્મશાનની પાછળના ભાગમાં પોલીસે દારૂની રેડ કરી હતી ત્યારે ત્યાંથી ૨૦ લીટર તૈયાર દેશી દારૂ તથા દેશી દારૂ બનાવવા માટે ઉપયોગમાં લેવામાં આવતો ૭૦ લિટર આથો અને અને ભઠ્ઠીના સાધનો મળી આવતા પોલીસે ૧૭૨૦ ની કિંમતનો મુદ્દામાલ કબજે કર્યો હતો જોકે, આરોપી ધીરુભાઈ ટપુભાઈ ખાંભડીયા જાતે કોળી રહે નવા સુંદરગઢ વાળો હાજર ન હોવાથી તેની સામે ગુનો નોંધી આગળની કાર્યવાહી હાથ ધરી છે.
