ટંકારા નજીક ઓઈલ મિલમાં ચૈત્રી પુનમ પહેલા ટિટોડીએ ઈંડા મુક્યા
SHARE
JOIN OUR GROUP
ટંકારા નજીક ઓઈલ મિલમાં ચૈત્રી પુનમ પહેલા ટિટોડીએ ઈંડા મુક્યા
ખેડૂતો અને પ્રકૃતિને પરસ્પર સિધ્ધો સંબધ હોય છે ઓણુકુ વરસ કેવું રહશે એ જીવનચક્ર આધેરે ભાખી દેતા આવ્યા છે જેમાં કિડિયારૂની સંગ્રહ કરવાની શરૂઆત હોય કે વા વંટોળને બફારો એના પરથી વરસાદી માહોલ કેવો જામશેએ જોતાં હોય છે એવી જ રીતે ટીટોડીના ઈંડા મુકવાની માન્યતા પણ વરસાદ સાથે સંબધ રાખે છે એવું ખેડૂતો માને પણ છે
જો કે, ક્લાઈમેટ ચેન્જની અસરથી હવે પ્રકૃતિમાં પરીવર્તન પણ આવ્યું છે. સામાન્ય રીતે વર્ષાઋતુના પ્રારંભ પૂર્વે ટીટોડીના ઈંડા જોઈ વરસાદ કેવો વરસશે તેનો વરતારો કાઢવામાં આવતો હોય છે, પરંતુ ટંકારના કલ્યાણપર ગામના સિમાડા નજીક લતીપર રોડ ઉપર ઉમીયા ઓઈલ મીલના પટાંગણમાં ચૈત્રી પૂનમ પહેલા એપ્રિલની શરૂઆતમાં ટીટોળીના ઈંડા જોવા મળતા કુતુહલ સર્જાયું છે. ભડલી વાક્ય મુજબ ટીટોળીના ઈંડા કઇ દિશામાં હોય તો કેવો વરસાદ થાય તેનો ખ્યાલ આપવામાં આવ્યો છે, ઉતર ભરે તળાવડાં, દક્ષિણ કોરા જાય, પશ્ચિમ પલાળે પાઘડી, પૂર્વે તોડે પાર! જબલપુર કલ્યાણપર અને હિરાપર જુથ સેવા સહકારી મંડળીના પ્રમુખ સુરેશભાઈ સવસાણીએ માહિતી આપતા જણાવ્યું હતું કે ફેક્ટરીની ખુલ્લી જગ્યામાં ટિટોડીએ ચાર ઈંડા આપ્યા છે આમા ઈંડા જોઈને વરતારો કહેનારા મુઝવણમાં મુકાયા છે
