મોરબીના બહાદુરગઢ નજીક થયેલ ચીલઝડપના ગુનામાં આઠ મહિને આરોપી પકડાયો
SHARE
JOIN OUR GROUP
મોરબીના બહાદુરગઢ નજીક થયેલ ચીલઝડપના ગુનામાં આઠ મહિને આરોપી પકડાયો
મોરબી તાલુકા પોલીસ સ્ટેશનના બહાદુરગઢના પાટીયા પાસે થોડા મહિના પહેલા ચીલઝડપ કરવામાં આવી હતી જે ગુન્હામાં છેલ્લા ૮ માસથી નાસતા ફરતા આરોપીને મોરબી એલ.સી.બી અને પેરોલ ફર્લો સ્કવોડની ટીમ દ્વારા ઝડપી લેવામાં આવેલ છે.
મોરબી જિલ્લા એલસીબીની ટીમના પીઆઇ ડી.એમ.ઢોલની સૂચના મુજબ સ્ટાફ કામ કરી રહ્યો છે ત્યારે પેરોલ ફર્લો સ્કવોડના એ.એસ.આઇ. જિજ્ઞાસાબેન કણસાગરા, જયેશભાઇ વાઘેલા તથા બ્રિજેશભાઇ કાસુન્દ્રાને ખાનગી રાહે મળેલ હકિકત આધારે મોરબી તાલુકામાં વર્ષ ૨૦૨૨માં આઇપીસી કલમ- ૩૭૯(ખ), ૧૧૪ મુજબ ગુનો નોંધાયો હતો જે ગુનામાં નાસતો ફરતો આરોપી દીલીપ માનસિંગ ઓડીયા (૩૩) રહે. મુળ ખાકરીયા જીરી, દતી ગામ તાલુકો સરદારપુર (એમપી) વાળાને મોરબી ઉંચી માંડલ ગામની સીમ તળાવીયા શનાળા રોડ ઉપર આવેલ સ્પેસેરા સીરામીક ખાતેથી ઝડપી લેવામાં આવેલ છે અને આરોપીને આગળની કાર્યવાહી અર્થે મોરબી તાલુકા પોલીસ સ્ટેશનમાં સોપી આપેલ છે.
અમદાવાદમાંથી અપ્હત યુવતી યુવક સાથે મોરબીમાંથી મળી આવી
મોરબી તાલુકા પોલીસ સુત્રોના જણાવ્યા પ્રમાણે અમદાવાદ ગ્રામ્ય વિસ્તારના વિઠ્ઠલનગર પોલીસ સ્ટેશનના એએસઆઇ વિક્રમસિંહ ભગવતસિંહ બાતમીના આધારે મોરબી આવ્યા હતા અને અહીં સ્થાનિક તાલુકા પોલીસને સાથે રાખીને મોરબી તાલુકાના વનાળીયા ગામે તપાસ કરવામાં આવતા ત્યાંથી તેઓના વિઠ્ઠલનગર પોલીસ સ્ટેશનની હદમાંથી ગુમ (અપ્હત) થયેલ યુવતી અંગે નોંધાયેલ ફરિયાદમાં ભોગ બનેલ યુવતી તથા તે ગુનાનો આરોપી ગોપાલ ઉર્ફે ગફુર રતુજી ઠાકોર રહે.ઝાલાસણા તા.માંડલ જીલ્લો અમદાવાદ મળી આવતા બંનેને તપાસના કામે અમદાવાદ લઈ જવામાં આવ્યા હતા.
