મોરબી નગરપાલિકાને સુપરસીડ કરવા સીએમને રજૂઆત

મોરબીમાં ઝૂલતા પુલની દુર્ઘટના પછી પાલિકાને સુપરસીડ કરવા માટેની માંગ અનેક વખત કરવામાં આવી છે ત્યારે મોરબીમાં રહેતા ઇન્ટરનેશનલ હ્યુમન રાઇટ્સ એસોસિયેશનના જનરલ સેક્રેટરીએ સીએમને રજૂઆત કરીને આ દુર્ઘટનાને ધ્યાને રાખીને મોરબી પાલિકાને સુપરસીડ કરવામાં આવે તેવી માંગ કરી છે

મોરબીમાં રહેતા ઇન્ટરનેશનલ હ્યુમન રાઇટ્સ એસોસિયેશનના જનરલ સેક્રેટરી કાંતિલાલ બાવરવાએ સીએમને કરેલ રજૂઆતમાં જણાવ્યુ છે કે, ઝૂલતા પુલની જવાબદારી નગરપાલિકાની હતી પરંતુ પાલિકાએ આ જવાબદારી ઓરેવા કંપનીને આપી હતી અને તેના કરાર પણ કર્યા હતા. અને પુલનું કામ કરીને ઝૂલતો પુલ કંપની દ્વારા ચાલુ કરવામાં આવ્યો હતો તેની જાણ પાલિકાને હતી કે કેમ ? તે મુદ્દે તપાસ કરવામાં આવે તો ઘણી માહિતી સામે આવે તેવી શક્યતા છે વધુમાં તેઓએ જણાવ્યુ છે કે, આ પાલિકાને સુપરસીડ કરવામાં આવે અને જવાબદાર દરેક ચૂંટાયેલા સભ્યો અને સરકારી કર્મચારીઓ સામે પણ ચાર્જશીટમાં તેઓના નામ ઉમેરીને કાર્યવાહી કરવામાં આવે તેવી માંગ કરી છે