ઓનલાઈનની આંટીઘૂટી !: મોરબીમાં એક સાડી મહિલાને ૫૬ હજારમાં પડી
SHARE
JOIN OUR GROUP
ઓનલાઈનની આંટીઘૂટી !: મોરબીમાં એક સાડી મહિલાને ૫૬ હજારમાં પડી
વર્તમાન સમયમાં મોટાભાગના લોકો ઓનલાઈન વસ્તુઓ ઘરે બેઠા બેઠા મંગાવતા હોય છે ત્યારે કેટલાક લોકો છેતરપિંડીનો ભોગ પડે બને છે આવો જ એક કિસ્સો મોરબીમાં સામે આવ્યો છે અને એક મહિલાએ ઓનલાઈન સાડી મંગાવી હતી જેના માટે આવેલ વોટ્સએપ લિંક ખોલતા જ તેના બેન્ક ખાતામાંથી ૫૬૬૨૫ રૂપિયા ઉપાડી ગયા હતા જેથી કરીને મહિલાએ મોરબી એ ડિવિઝન પોલીસ સ્ટેશને ફરિયાદ નોંધાવેલ છે
જાણવા મળતી માહિતી મુજબ મોરબીના શનાળા ગામ પાસે આવેલ નિતીનનગરમા રહેતા તૃપ્તિબેન સુરેશભાઈ ગોહિલ જાતે કારડીયા રાજપૂત (૨૨) નામની યુવતીએ ઓનલાઈન એક સાડી મંગાવી હતી જેના પાર્સલ માટે અજાણ્યા શખ્સે એક વોટ્સએપની લિંક આપી હતી જે લિંકને ખોલતાની સાથે જ યુવતીના એસબીઆઈ બેંકના ખાતામાંથી ૫૬૬૨૫ રૂપિયા નીકળી ગયા હતા જેથી કરીને આ યુવતીએ હાલમાં મોરબી એ ડિવિઝન પોલીસે ફરિયાદ નોંધાવતાં પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
