મોરબીની લીલાપર ચોકડી પાસે બોલેરો ચાલકે બાઇકને હડફેટે લેતા યુવાનને માથામાં હેમરેજ : ગુનો નોંધાયો
SHARE
JOIN OUR GROUP
મોરબીની લીલાપર ચોકડી પાસે બોલેરો ચાલકે બાઇકને હડફેટે લેતા યુવાનને માથામાં હેમરેજ : ગુનો નોંધાયો
મોરબીની રવાપર ચોકડીથી લીલાપર ચોકડી તરફ જવાના રસ્તા ઉપર બોલેરો કાર ચાલકે બાઈકને હડફેટે લીધું હતું જેથી કરીને બાઇક ચાલક યુવાનને ઈજા થઈ હોવાથી તેને સારવાર માટે આવ્યો હતો અને હાલમાં ભોગ બનેલા યુવાનના ભાઈએ મોરબી સીટી એ ડીવીઝન પોલીસ સ્ટેશન ખાતે બોલેરોના ચાલકની સામે ફરીયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે.
જાણવા મળતી વિગત પ્રમાણે મોરબીની રવાપર ચોકડીથી લીલાપર ચોકડી તરફ જવાના રસ્તા ઉપરથી યુવાન પોતાનું બાઇક નંબર જીજે ૩ એચ જે ૯૧૯૭ લઈને પસાર થઈ રહ્યો હતો ત્યારે તેને બોલેરો નંબર જીજે ૩૬ ટી ૪૨૯૪ ના ચાલકે તેને અડફેટે લીધો હતો જેથી કરીને યુવાનને માથામાં હેમરેજ અને હાથે-પગે ઇજાઓ થઇ હોવાથી તેને સારવાર માટે ખસેડાયો હતો અને હાલમાં યુવાનના ભાઈ જયભાઈ દિનેશભાઇ સોલંકી (ઉમર ૨૪) રહે. જેલ રોડ વણકરવાસ મોરબી વાળાએ પંચાસર ગામે રહેતા કૃષ્ણરાજ ઉર્ફે કાનો ની સામે ફરીયાદ નોંધાવતા પોલીસે ગુનો નોંધી આરોપીને પકડવા માટે તકલીફ કરે છે.
વાહન અકસ્માતમાં ઈજા
વાંકાનેર તાલુકાના તીથવા ગામનો રહેવાસી રિયાઝુદ્દીન અલાઉદ્દીન શેરસીયા નામનો ૨૬ વર્ષીય યુવાન ગામ નજીક આવેલા બેઠા પુલ પાસેથી બાઈકમાં જતો હતો તે દરમિયાનમાં તેનું બાઇક સ્લીપ થઇ જતાં ઇજાગ્રસ્ત રિયાઝુદ્દીનને મોરબીની ક્રિષ્ના હોસ્પિટલ ખાતે સારવાર માટે લાવવામાં આવ્યો હતો.જ્યારે જસદણ નજીક આવેલા જુના જસાપર ગામે રહેતા વિજયભાઈ સીતારામભાઈ કુબાવત નામના ૫૨ વર્ષિય આધેડ મોરબીના વાવડી રોડ ભગવતીપરાના નાકેથી જતા હતા ત્યાં રસ્તામાં તેઓનું બાઈક સ્લીપ થઈ જતા ઇજાગ્રસ્ત વિજયભાઈ કુબાવતને સારવાર માટે દવાખાને ખસેડાયા હતા.તેમજ દેવભૂમિ દ્વારકા જિલ્લાના જામખંભાળિયાના રહેવાસી યોગેશભાઈ ગૌરીશંકરભાઈ ભોગાયતા નામનો ૩૧ વર્ષીય યુવાન ગુંદા ગામ પાસેથી બાઇક લઇને જતો હતો ત્યાં રસ્તામાં તેનું બાઇક સ્લીપ થઇ જતાં ઇજાગ્રસ્ત યોગેશ ગૌરીશંકર ભોગાયતાને અહીંની ક્રિષ્ના હોસ્પિટલ ખાતે સારવાર માટે લાવવામાં આવ્યો હતો.
