મોરબીના ટિંબડી પાસેથી દારૂ ભરેલી કાર સાથે બે પકડાયા, મહિલા બુટલેગર સહિત બેની શોધખોળ

મોરબી માળીયા હાઈવે ઉપર આવેલ ટિંબડી ગામના પાટિયા પાસેથી પસાર થતી ઇકો કારને રોકીને પોલીસે ચેક કરતા તે કારમાંથી બે શખ્સો ૪૦૦ લીટર દેશી દારૂના જથ્થા સાથે ઝડપાઇ ગયા હતા માટે હાલમાં પોલીસે દારૂનો જથ્થો ભરી આપનાર અને મોરબીની મહિલા બુટલેગર સહિત ચાર શખ્સોની સામે ગુનો નોંધવામાં આવેલ છે અને બે આરોપીને પકડીને આગળની કાર્યવાહી હાથ ધરેલ છે

જાણવા મળતી માહિતી મુજબ મોરબી માળીયા હાઈવે ઉપર આવેલ ટિંબડી ગામના પાટિયા પાસેથી ઇકો કાર નંબર જીજે ૧૦ એફ ૫૯૯૪ પસાર થતી હતી ત્યારે તે કારને રોકીને પોલીસ ચેક કરતા તેમાંથી ૪૦૦ લિટર દેશી દારૂ મળી આવ્યો હતો જેથી કરીને પોલીસે આઠ હજાર રૂપિયાની કિંમતનો દારૃ અને દોઢ લાખની કિંમતની કાર આમ કુલ મળીને ૧.૫૮ લાખ રૂપિયાના મુદ્દામાલ સાથે ઈશા કાળુભાઈ સંધવાણી (ઉંમર ૨૦)રહે. માળીયામીયાણા વાડ વિસ્તાર કાજરડા રોડ તેમજ સાઉદી હબીબભાઇ કટિયા (ઉમર ૨૧) રહે.  માળીયામીયાણા વાળાની ધરપકડ કરેલ છે અને તેની કારની અંદર દારૂ ભરી આપનાર સુલતાન ઉર્ફે ટાપુસા રસુલભાઇ કટિયા રહે. માળીયામીયાણા અને આ દારૂનો જથ્થો મોરબીના સામાકાંઠા વિસ્તારમાં આવેલ માળીયા વનાળિયા સોસાયટીમાં રહેતી મહિલા બુટલેગર સોનલબેન ઉર્ફે સોનકી અબ્બાસભાઈ કટિયાને આપવાનો હોય તે બંનેની સામે પણ મોરબી તાલુકા પોલીસ સ્ટેશન ખાતે ગુનો નોંધાયેલ છે આમ દારૂના ગુનામાં બે આરોપીની ધરપકડ કરવામાં આવેલ છે અને મહિલા બુટલેગર સહિત બે આરોપીને પકડવા માટે પોલીસે તજવીજ શરૂ કરી છે