મોરબીમાં ગ્રાહકને સોલારની ખામી દૂર કરી આપીને ૫૦૦૦ નો ખર્ચ આપવા ગ્રાહક કોર્ટનો આદેશ

મોરબીના કેરાળી ગામે આસામીએ ન્યાલકરણ એનર્જી એલ.એલ.પી. ચાંચાવદરડાથી શોલાર પોતાના ઘરે ફીટ કરાવતા લાઈટના પ્રશ્ન થતાં તેણે મોરબી ગ્રાહક સુરક્ષા મંડળના મંત્રી રામભાઈ મહેતા દ્વારા ગ્રાહક અદાલતમા કેસ દાખલ કર્યો હતો જેમાં ગ્રાહક અદાલતે સોલારમાં ખામી દૂર કરી આપવી અને ૫૦૦૦ ખર્ચના આપવા હુકમ કરેલ છે.

મોરબી તાલુકાના કેરાળીના વતની લાખાભાઈ ચાવડાએ ચાંચાવદરડાના ન્યાલ કરણ એનર્જી એલ.એલ.પી. પાસેથી પોતાના ઘરે સોલાર લગાવેલ તેમાં લાઈટનાં પ્રશ્ન આવતા આ ઈન્વર્ટરને કારણે પ્રોબલેમ થતો અવાર-નવાર કંપનીને જાણ કરેલ પરંતુ કંપનીએ ગ્રાહક પ્રત્યે ધ્યાન આપ્યુ નહીં. જેથી લાખાભાઈએ મોરબી ગ્રાહક સુરક્ષા મંડળના રામભાઈ મહેતા દ્વારા ગ્રાહક અદાલતમાં કેસ દાખલ કરતાં ગ્રાહક અદાલતે કંપનીને કહયુ કે તમારી સેવામાં ખામી છે. ગ્રાહકને સંતોષ થાય તે રીતે ઈન્વર્ટર તથા અન્ય ખામી દુર કરી સોલાર વ્યવસ્થિત ચાલે તેમ કરી આપવુ અને રૂ.૫૦૦૦/- ખર્ચના ચુકવવા હુકમ કરેલ છે. મોરબી જિલ્લા ગ્રાહક સુરક્ષાના પ્રમુખ લાલજીભાઈ મહેતા, ઉપપ્રમુખ બળવંતભાઈ ભટ્ટ અને હિતેશભાઈ મહેતા તથા મંત્રી રામભાઈ મહેતાનો સંપર્ક કરવા માટે જણાવ્યુ છે.