મોરબીના 105 વર્ષીય કેસરબેનની અંતિમ ઈચ્છા પૂર્ણ કરવા પરિવારે આપી વાજતે-ગાજતે અંતિમ વિદાય
SHARE
JOIN OUR GROUP
મોરબીના 105 વર્ષીય કેસરબેનની અંતિમ ઈચ્છા પૂર્ણ કરવા પરિવારે આપી વાજતે-ગાજતે અંતિમ વિદાય
મોરબી નજીકના મહેન્દ્રનગર ગામે રહેતા 105 વર્ષીય વૃદ્ધા કેસરબેન અવચરભાઈ કાવરનું આજે અવસાન થયું હતું. અને જીવનના અંતિમ પડાવમાં કેસરબેને પોતાના પરિવારજનો સમક્ષ અંતિમ ઈચ્છા વ્યક્ત કરી હતી કે, તેમના અવસાન બાદ તેમને સામાન્ય રીતે નહીં પરંતુ ગામમાંથી વાજતે-ગાજતે વિદાય આપવામાં આવે. જેથી આજે તેઓના પરિવારજનો દ્વારા કેસરબેનેને વાજતે-ગાજતે અંતિમ વિદાય આપવામાં આવી હતી.
મોરબીના મહેન્દ્રનગર ગામે રહેતા કેસરબેને પોતાની અંતિમ ઈચ્છા તેના દીકરાઓ પ્રભુભાઈ અવચરભાઈ કાવર, રાઘવજીભાઈ અવચરભાઈ કાવર અને વિરજીભાઈ કાવર અને પરિવારજનો સમક્ષ વ્યક્ત કરી હતી. જેમાં તેઓએ જણાવ્યુ હતું કે, તેઓને વાજતે ગાજતે અંતિમ વિદાય આપજો જેથી તેઓની અંતિમ ઇચ્છાને માન આપીને પરિવારજનોએ આજે કેસરબેનનું અવસાન થતાં તેઓને વાજતે ગાજતે અંતિમ વિદાય આપવાનો નિર્ણય કર્યો હતો. અને કાવર પરિવાર દ્વારા 105 વર્ષીય કેસરબેનની અંતિમ યાત્રા તેઓના નિવાસ સ્થાનેથી મહેન્દ્રનગર ગામે આવેલ સ્મશાન સુધી વાજતે-ગાજતે કાઢવામાં આવી હતી. આ અંતિમ યાત્રામાં ગામના લોકો મોટી સંખ્યામાં જોડાયા હતા અને કેસરબેનને ભાવભીની અંતિમ વિદાય આપી હતી. ઉલેખનીય છે કે, 105 વર્ષની ઉંમરે કેસરબેનનું અવસાન થયા બાદ તેઓની અંતિમ ઈચ્છા પૂર્ણ કરવા માટે પરિવારજનોએ રોકક્ડ કરીને નહીં પરંતુ વાજતે ગાજતે વિદાય આપી હતી. જો કે, જીવનભર ગામ અને પરિવાર સાથે જોડાયેલા રહેલા કેસરબેનને અંતિમ વિદાય તેઓની ઈચ્છા મુજબ આપવામાં આવતા ગામના મહિલાઓ સહિતના ઘણા લોકો ભાવુક બની ગયા હતા.
