મોરબીમાં ડીલેવરીમાં સિઝેરિયન બાદ બ્લીડિંગ શરૂ થઈ જતાં સારવારમાં ખસેડાયેલ મહિલાનું મોત

મોરબીના બેલા ગામ પાસે આવેલ સિરામિક કારખાનામાં લેબર કવાર્ટરમાં રહેતી મહિલાને ડીલેવરીમાં સિઝેરિયન આવ્યું હતું અને ત્યારબાદ બ્લીડિંગ શરૂ થઈ ગયું હતું જેથી તેને સારવાર માટે પ્રથમ મોરબી અને ત્યાંથી વધુ કરવા માટે રાજકોટ સુધી લઈ ગયા હતા જો કે, ચાલુ સારવાર દરમિયાન તે મહિલાનું મોત નીપજયું હતું જેથી આ બનાવની મૃતક મહિલાના પતિએ મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

મૂળ ઉત્તરપ્રદેશના રહેવાસી અને હાલમાં મોરબીના બેલા ગામ પાસે આવેલ એસ્ટોનિયા સીરામીક કારખાનાના લેબર કવાર્ટરમાં રહેતા અને મજૂરી કામ કરતાં રાજકુમાર રામખીલવાન બાસખોર (34) ના પત્ની સુમનકુમારી બાસખોર (32)ને ગત તા. 14/3 ના રોજ ડીલેવરીમાં સિઝેરિયન આવ્યું હતું અને ત્યારબાદ તેને બ્લીડિંગ શરૂ થઈ જતા તેને સારવાર માટે પ્રથમ મોરબીની ખાનગી હોસ્પિટલમાં લઈ ગયા હતા અને ત્યારબાદ ત્યાંથી વધુ સારવાર માટે રાજકોટની ખાનગી હોસ્પિટલ અને ત્યાંથી રાજકોટની સરકારી હોસ્પિટલ ખાતે સારવાર માટે લઈ ગયા હતા જોકે સારવાર કારગત ન નિવડતા મહિલાનું સારવાર દરમિયાન મોત નીપજયું હતું જેથી કરીને મૃતક મહિલાના પતિએ મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.

એકટીવા ચોર પકડાયો

મોરબી એ ડીવીઝન પોલીસની ટીમ પેટ્રોલિંગમાં હતી ત્યારે એક્ટિવા લઈને શંકાસ્પદ હાલતમાં એક શખ્સ પસાર થયો હતો જેથી તેને રોકીને વાહનના કાગળ માંગ્યા હતા જે તેની પાસે હતા નહીં જેથી ઈ-ગુજ્કોપમાં સર્ચ કરતા એકટીવા એ ડીવીઝન વિસ્તારમાંથી ચોરી કર્યું હોવાનું સામે આવ્યું હતું.જેથી પોલીસે આરોપી દિલીપ ઉર્ફે ઇમરાન બાવો રાજેશભાઈ જાની (26) રહે.વિસીપરા મોરબી વાળાની ધરપકડ કરી હતી અને 35,000 નું વાહન કબ્જે કર્યું હતું. અને આગળની કાર્યવાહી કરી હતી.