ટંકારા નજીક થયેલ લૂંટના ગુનામાં રિકવર કરેલ 72.50 લાખ અને 63 મોબાઈલ મળીને 82.50 લાખનો મુદામાલ એસપીના હસ્તે મૂળ માલીકને પરત
SHARE
JOIN OUR GROUP
ટંકારા નજીક થયેલ લૂંટના ગુનામાં રિકવર કરેલ 72.50 લાખ અને 63 મોબાઈલ મળીને 82.50 લાખનો મુદામાલ એસપીના હસ્તે મૂળ માલીકને પરત
મોરબી જિલ્લાના ટંકારા તાલુકામાં આંગડિયા પેઢીના સંચાલક પાસેથી રોકડા રૂપિયા 90 લાખની લૂંટ કરવામાં આવી હતી તે લૂંટ પૈકીના 72.50 લાખ રૂપિયા તથા ચોરાઈ ગયેલ કે ખોવાઈ ગયેલા મોબાઇલ શોધી કાઢવામાં આવ્યા હતા અને જે અંદાજે 10 લાખ કરતા વધુની કિંમતના 63 મોબાઈલ ફોન તેઓના મૂળ માલિકને આજે એસપીની હાજરીમાં પરત આપવામાં આવ્યા હતા
પોલીસ વિભાગ દ્વારા તેરા તુજ કો અર્પણ કાર્યક્રમ અંતર્ગત લોકોની મિલકત ખોવાઈ કે ચોરાઈ ગઈ હોય તો તેને શોધીને પરત આપવામાં આવે છે તેવી જ રીતે ચોર પાસેથી મિલકતને રિકવર કરવામાં આવી હોય તો તે મિલકતોને મૂળ માલિકોને પરત આપવા માટેની કાર્યવાહી કરવામાં આવતી હોય છે દરમિયાન મોરબી રાજકોટ હાઇવે રોડ ઉપર ટંકારા નજીક આવેલ ખજુરા હોટલ પાસે રાજકોટ તરફથી મોરબી આવી રહેલા આંગડિયા પેઢીના સંચાલક નિલેશભાઈ ભાલોડીને કારથી આંતરીને લૂંટ ચલાવવામાં આવી હતી અને 90 લાખ રૂપિયાની લૂંટ કરી હતી જે પૈકીના 72.50 હજાર રૂપિયા ગણતરીની કલાકોમાં ટંકારા પોલીસ દ્વારા રિકવર કરી લેવામાં આવ્યા હતા અને આ ગુનામાં અત્યાર સુધીમાં કુલ મળીને ચાર આરોપીને પકડીને જેલમાં કરવામાં આવી છે અને અન્ય આરોપીને પકડવા માટેની તજવીજ ચાલી રહી છે દરમિયાન આ બાબતે કોર્ટના આદેશ મુજબ આજે નિલેશભાઈ ભાલોડીને મોરબી એસપી કચેરી ખાતે બોલાવીને એસપી રાહુલ ત્રિપાઠીની હાજરીમાં 72.50 લાખ રૂપિયા પરત આપવામાં આવ્યા હતા તેની સાથોસાથ મોરબી જિલ્લાના જુદા જુદા પોલીસ સ્ટેશન વિસ્તારમાં લોકોના ખોવાઈ ગયેલ કે ચોરાઈ ગયેલ મોબાઈલ ફોનની અરજી લઈને પોલીસ વિભાગ દ્વારા તપાસ કરવામાં આવી રહી હતી તેવામાં 63 જેટલા મોબાઈલ કે જેની કિંમત 10 લાખ કરતા વધારે થાય છે તે કુલ મળીને 82.50 લાખનોનો મુદ્દામાલ મૂળ માલિકને પરત આપવામાં આવ્યો હતો અને જે લોકોના મોબાઇલ ફોન કે વાહન ખોવાઈ કે ચોરાઈ જાય તેઓ ઈ એફઆઈઆર કરી શકે છે અને આ અંગેની તાત્કાલિક પોલીસને જાણ કરવી જોઈએ
