હળવદમાંથી મોરબીના બે ચોરાઉ બાઇક સાથે બે આરોપીની કરી ધરપકડ
SHARE
JOIN OUR GROUP
હળવદમાંથી મોરબીના બે ચોરાઉ બાઇક સાથે બે આરોપીની કરી ધરપકડ
હળવદ તાલુકા પોલીસ વાહન ચેકીંગ કરી રહી હતી ત્યારે બાઇક લઈને નીકળેલા બે શખ્સને રોકીને પૂછપરછ કરી હતી ત્યારે તેની પાસેથી સંતોષકારક જવાબ મળેલ ન હતો જેથી આગવી ઢબે પૂછપરછ કરતાં આ બંને શખ્સોએ મોરબીમાંથી બે બાઈકની ચોરી કરી હોવાની કબૂલાત આપી હતી જે બંને બાઈકની રિકવરી પોલીસે કરેલ છે અને આગળની કાર્યવાહી કરેલ છે.
હળવદ તાલુકા પીઆઇ આર.ટી.વ્યાસની સૂચના મુજબ સ્ટાફ કામ કરી રહ્યો છે અને વાહન ચોરીના ગુન્હામાં સંડોવાયેલ આરોપીઓને પકડવા માટે તજવીજ ચલ્લી રહી છે તેવામાં હળવદની મોરબી ચોકડી પાસે વાહન ચેકીંગ દરમ્યાન શંકાસ્પદ સ્પલેન્ડર બાઇક સાથે બે શખ્સ નીકળ્યા હતા જેને રોકીને પુછપરછ કરતા કોઈ સંતોષકારક જવાબ મળ્યો ન હતો જેથી પોલીસે તે શખ્સોને વિશ્વાસમાં લઇને આગવી ઢબે પુછપરછ કરતા આ શખ્સોએ મોરબીમાં જૂના બસ સ્ટેશન તથા પાડા પુલ નીચે રવિવારી બજારમાંથી બે બાઈકની ચોરી કરી હોવાની કબૂલાત આપી હતી જેથી આરોપી મહેશભાઇ રાજુજઇ વઢીયારા રહે. કાલીકા પ્લોટ મુનીબેન મુસ્લીમના મકાનમાં ભાડેથી મોરબી મુળ રહે. રોણી તાલુકો સમી અને મનોજભાઇ વરસીંગભાઇ વઢીયારા રહે. જીન પ્લોટ વિસ્તાર લીંબાસીયા સાહેબના દવાખાના પાસે હળવદ મુળ રહે. શંખેશ્વર બસ સ્ટેશન પાછળ તાલુકો સમી વાળાની ધરપકડ કરી હતી અને તેની પાસેથી બાઇક નં જીજે 36 ઇ 9057 અને નં. જીજે 36 ડી 1025 રિકવર કરેલ છે. અને આગળની કાર્યવાહી કરેલ છે.
