મોરબીમાં મહારાણા પ્રતાપ સર્કલ પાસેથી 200 મીટર કેબલ વાયર સહિત 16 હજારના મુદામાલની ચોરી

મોરબીમાં મહારાણા પ્રતાપ સર્કલ પાસે નવા બનતા બ્રિજના કામ પાસે નાખવામાં આવેલ 200 મીટર કેબલ વાયર તથા અન્ય વસ્તુ મળીને 16,000 રૂપિયાની કિંમતના મુદ્દામાલની અજાણ્ય શખ્સ દ્વારા ચોરી કરવામાં આવેલ છે જેથી હાલમાં મોરબી ડિવિઝન પોલીસ સ્ટેશન ખાતે યુવાને ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

હાલ અમદાવાદ ખાતે રહેતા અરવિંદસિંગ કરણસિંગ લોધી (37)એ અજાણ્યા શખ્સની સામે મોરબી બી ડિવિઝન પોલીસ સ્ટેશન ખાતે ચોરીની ફરિયાદ નોંધાવેલ છે જેમાં તેને જણાવ્યું છે કે, મોરબીમાં મહારાણા પ્રતાપ સર્કલ પાસે તાલુકા પોલીસ સ્ટેશનની સામેના ભાગમાં નવા બનતા બ્રિજ નીચે ફરિયાદીની સરકારી કચેરીના એલ એન્ડ ટી કંપની દ્વારા નાખેલ એનએફએસઓએફસી કેબલમાંથી 200 મીટર કેબલ વાયર જેની કિંમત 14,000 રૂપિયા તથા તેની સાથે લાગેલ જોઈન્ટ ક્લોઝર જેની કિંમત 2,000 આમ કુલ મળીને 16,000 રૂપિયાની કિંમતના મુદ્દામાલની ચોરી કરવામાં આવેલ છે જેથી કરીને યુવાને નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરી છે.