હળવદમાં લઘુશંકા કરવા ધાબા ઉપરથી નીચે જઈ રહેલ યુવાન પગથિયું ભૂલી જતાં નીચે પટકાવાથી મોત

હળવદમાં આવેલ કુંભાર દરવાજા પાસે કરાચી કોલોની રઘુવંશી એપાર્ટમેન્ટમાં રાત્રિ દરમિયાન લઘુશંકા કરવા માટે યુવાન ઉઠ્યો હતો અને તે યુવાન સીડીમાં પગથિયું ભૂલી જતા ધાબા ઉપરથી નીચે પટકાયો હતો જેથી તેને માથામાં અને શરીરે ગંભીર ઇજાઓ થયેલ હતી અને તેનું મોત નીપજ્યું હતું જેથી તેના મૃતદેહને હોસ્પિટલે લઈને આવ્યા હતા અને આ બનાવની હળવદ તાલુકા પોલીસ સ્ટેશન ખાતે જાણ કરવામાં આવતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે.

જાણવા મળતી માહિતી મુજબ મૂળ અમદાવાદ જિલ્લાના ધંધુકા પાસે આવેલ તગડી ગામના રહેવાસી અને હાલમાં હળવદમાં આવેલ કુંભાર દરવાજા પાસે કરાચી કોલોની રઘુવંશી એપાર્ટમેન્ટ ખાતે રહેતા નાગરભાઈ હનુભાઈ કોગતિયા (47) નામનો યુવાન રાત્રિના સમયે ધાબા ઉપર સૂતો હતો અને ત્યાંથી તે લઘુશંકા કરવા માટે થઈને ઊભો થઇને જતો હતો ત્યારે સીડીનું પગથિયાં ભૂલી જતા ધાબા ઉપરથી તે નીચે પટકાયો હતો જેથી તેને માથા અને શરીરે ગંભીર ઇજાઓ થયેલ હતો અને તે યુવાનનું મોત નીપજયું હતું ત્યારબાદ તેના મૃતદેહને હોસ્પિટલે લઈને આવ્યા હતા અને આ બનાવની જસમતભાઈ જગમાલભાઇ કુનપરા (45) રહે. હાલ કરાચી કોલોની રઘુવંશી એપાર્ટમેન્ટ કુંભાર દરવાજા પાસે હળવદ મૂળ રહે. તગડી ગામ તાલુકો ધંધુકા વાળાએ હળવદ તાલુકા પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે.