મોરબીની સરકારી શાળામાં અભ્યાસ કરતાં વિદ્યાર્થીઓની સ્કિલ ડેવલપ કરવા માટે ખાસ વર્કશોપનું આયોજન

મોરબી જિલ્લાના સરકારી શાળામાં ધો. 6થી 8 માં અભ્યાસ કરતા વિદ્યાર્થીઓની સ્કીલ ડેવલપમેન્ટ થાય તે માટે જિલ્લા કક્ષાએ વર્કશોપનુ આયોજન કરવામાં આવ્યું છે અને ત્રણ દિવસ સુધી મોરબીની એલ.ઇ.કોલેજમાં સવારે 9 થી 12 સુધી શિક્ષકોને માર્ગદર્શન આપવામાં આવશે.

મોરબી જિલ્લાના ડીડીઓ જે.એસ. પ્રજાપતિના માર્ગદર્શન હેઠળ મોરબી જીલ્લાની સરકારી શાળામાં ધો. 6 થી 8 માં અભ્યાસ કરતા વિધાર્થીઓની  સ્કિલ ડેવલોપમેન્ટ થાય તે માટે જીલ્લા કક્ષાએ એલ.ઈ. કોલેજ ખાતે વર્કશોપનુ આયોજન કરવામાં આવ્યું છે અને તા 12 થી 14 સુધી આ વર્કશોપ ચાલશે જેમાં પ્રથમ દિવસે ડ્રોઈંગ, ચેસ અને વાર્તા-કાવ્ય લેખનમાં રસ ધરાવતા ૮૮ વિધાર્થીઓએ સ્કિલ ડેવલોપમેન્ટ વર્કશોપમાં ભાગ લીધો હતો. જેમને ડ્રોઈંગ, ચેસ અને વાર્તા-કાવ્ય લેખનમાં નિષ્ણાત તજજ્ઞો દ્વારા માર્ગદર્શન પૂરું પાડવામાં આવ્યું હતું આ વર્કશોપમાં વિધાર્થીઓને પ્રેરણા અને માર્ગદર્શન પૂરું પાડવા જીલ્લા પંચાયત પ્રમુખ હંસાબેન પારધી, જીલ્લા વિકાસ અધિકારી જે.એસ. પ્રજાપતિ તથા જીલ્લા પ્રાથમિક શિક્ષણાધિકારી એન.એ. મહેતા મેડમ ઉપસ્થિત રહ્યા હતા આ સમગ્ર વર્કશોપનું આયોજન સમગ્ર શિક્ષાના મદદનીશ જીલ્લા કો.ઓ પ્રવિણ ભોરણીયા અને તેમની ટીમે કરેલ છે