મોરબી-કચ્છના સાંસદ વિનોદભાઈ ચાવડાએ આત્મનિર્ભર ભારત અંતર્ગત વોકલ ફોર લોકલને પ્રાધાન્ય આપવા સ્થાનિક ખરીદી કરવા માટે કર્યો અનુરોધ
SHARE
JOIN OUR GROUP
મોરબી-કચ્છના સાંસદ વિનોદભાઈ ચાવડાએ આત્મનિર્ભર ભારત અંતર્ગત વોકલ ફોર લોકલને પ્રાધાન્ય આપવા સ્થાનિક ખરીદી કરવા માટે કર્યો અનુરોધ
આત્મનિર્ભર ભારત માટે આજે દરેક લોકો વોકલ ફોર લોકલ ને અપનાવે તે જરૂરી બન્યુ છે.દેશના વડાપ્રધાન નરેન્દ્રભાઇ મોદીજીએ મન કી બાત કાર્યક્રમમાં વોકલ ફોર લોકલ માટે કરેલ આહ્વાન દેશભરમાં સાર્થક થઈ રહ્યું છે.
જેના સમર્થનમાં સાંસદ વિનોદભાઈ ચાવડાએ જણાવ્યુ હતું કે, આત્મનિર્ભર ભારત માટે આજે દરેક લોકો વોકલ ફોર લોકલને અપનાવે છે. આપણા ઉત્પાદનો વર્લ્ડ કલાસ છે.વૈશ્વિક શ્રેષ્ઠ છે. આના માટે આપણા ઉધોગ સાહસીકો આગળ આવે સ્ટાર્ટ અપને આગળ ધપાવવું પડશે આપણો દેશ ગામડાઓનો દેશ છે.તેને ધબકતું રાખવા નાનામાં નાના કારીગરોનું ધ્યાન રાખવું પડશે.
આ દિવાળીના પાવન અવસરે લોકોને તેમની આસપાસના સ્થાનિક ઉત્પાદકો પાસેથી ખરીદી કરવાની અપીલ સાંસદ વિનોદભાઇ ચાવડાએ કરી હતી.આ પ્રસંગે સમાજ સેવક દિલીપભાઇ દેશમુખ, જિલ્લા પંચાયત પ્રમુખ જનકસિંહ જાડેજા, જિલ્લા ભાજપા મહિલા મોરચા અધ્યક્ષા ગોદાવરીબેન ઠક્કર, ભુજ નગરપાલિકા પ્રમુખ રશ્મિબેન સોલંકી, નગરપાલિકા નેતા કમલભાઇ ગઢવી, તાલુકા ભાજપા મહામંત્રી દિનેશભાઇ ઠક્કર વિગેરે હાજર રહ્યા હતા.
