મોરબી જિલ્લામાં પાંચ દિવસની ચેકિંગ ઝુંબેશમાં ૧૧૪.૪૭ લાખની વીજચોરી પકડાઈ

મોરબી શહેર, તાલુકા અને જિલ્લામાં જુદાજુદા જિલ્લાના વીજ કંપનીના અધિકારીઓની ટીમ દ્વારા ચેકિંગ ઝુંબેશ કરવામાં આવી હતી ત્યારે પાંચ દિવસમાં ૧૧૪ લાખની વીજ ચોરી પકડાઈ હતી જેથી કરીને વીજ કંપનીના અધિકારીઓ દ્વારા કાયદેસરની કાર્યવાહી કરવામાં આવેલ છે

મોરબી જિલ્લામાં વીજચોરી રોકવા માટે સતત ચેકિંગ કરવામાં આવે છે તેવી જ રીતે તાજેતરમાં મોરબી, ભુજ, અંજાર અને જામનગરની ટીમો દ્વારા પાંચ દિવસ સુધી ચેકીંગ ઝુંબેશ કરવામાં આવી હતી ત્યારે જિલ્લાના જુદાજુદા વિસ્તારમાં ૧૮૫૫ રહેણાંક કનેક્શન ચેકીંગ કરતા ૨૮૮ માં ગેરરીતિ સામે આવી હતી અને ૯૦.૩૯ લાખની વીજચોરી પકડાઈ હતી આ ઉપરાંત ૧૭૦ કોમર્શિયલ અને અન્ય વીજ કનેક્શન ચેક કરવામાં આવ્યા હતા ત્યારે ૩૦ માં ગેરરીતિ સામે આવી હતી જેથી કરીને ૨૪.૧૫ લાખની વીજ ચોરી પકડાઈ હતી અને આમ પાંચ દિવસમાં ૧૧૪.૪૭ લાખની વીજચોરી પકડવામાં આવી છે