મોરબીમાં સ્પામાં પોલીસે રેડ કરતાં 100 નંગ નિરોધ, 3 બિયરના ટીન અને 24 પેકેટ ગંજીપાના સાથે મહિલા સહિત ત્રણ પકડાયા

મોરબીના સનાળા રોડ ઉપર આવેલ ધર્મેન્દ્ર પ્લાઝામાં ચોથા માળે સ્પા આવેલ છે તેમાં પોલીસ દ્વારા રેડ કરવામાં આવી હતી ત્યારે ત્યાં સ્થળ ઉપરથી 100 જેટલા નિરોધ, બિયરના ટીન અને ગંજી પત્તા મળી આવ્યા હતા જેથી પોલીસે 1,140 ની કિંમતનો મુદ્દામાલ કબજે કર્યો હતો અને મહિલા સહિત કુલ ત્રણ વ્યક્તિઓને પકડીને તેની સામે એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.

જાણવા મળતી માહિતી મુજબ મોરબી એ ડિવિઝન પોલીસની ટીમ પેટ્રોલિંગમાં હતી ત્યારે મોરબીના શનાળા રોડ ઉપર આવેલ ધર્મેન્દ્ર પ્લાઝાના ચોથા માળે નોવા સ્પા માં રેડ કરવામાં આવી હતી ત્યારે ત્યાં સ્થળ ઉપરથી ત્રણ બિયરના ટીન, 100 નંગ નિરોધ અને ગંજીપાનાં 24 પેકેટ મળી આવ્યા હતા જેથી પોલીસે કુલ મળીને 1,140 ની કિંમતનો મુદ્દામાલ સ્થળ ઉપરથી કબજે કર્યો હતો અને આરોપી પ્રકાશભાઈ મહેશભાઈ પઠાણ (20) રહે. મોટાભેલા તાલુકો માળીયા મીયાણા, જયંતભાઈ ગણેશભાઈ પારોરિયા (42) રહે સનાળા રોડ સ્કાય મોલ સામે વૈભવનગર મોરબી અને એક મહિલા અનીનગ પેહાનુનગ (27) રહે. મૂળ નાગાલેન્ડ વાળાની ધરપકડ કરી હતી અને તે ત્રણેયની સામે એ ડિવિઝન પોલીસ સ્ટેશન ખાતે ગુનો નોંધીને પોલીસ આગળની રાબેતા મુજબની કાર્યવાહી હાથ ધરી હતી.

અડધી બોટલ દારૂ

મોરબીના માધાપરા વિસ્તારમાં અંબિકા રોડ ઉપરથી પસાર થઈ રહેલા શખ્સ પાસેથી દારૂની અડધી બોટલ મળી આવતા પોલીસે 100 રૂપિયાની કિંમતના દારૂના જથ્થા સાથે કિશનભાઇ પ્રવીણભાઈ લવા (25) રહે. ત્રિમંદિર પાસે બ્રહ્મપુરી સોસાયટી જેપુર વાળાની ધરપકડ કરી હતી અને તેની પ્રાથમિક દરમિયાન તેણે આ દારૂની બોટલ સાદીક ઉર્ફે ટેણી રહે. મોરબી વાળા પાસેથી લીધી હોવાનું સામે આવતા બંને સામે એ ડિવિઝન પોલીસ સ્ટેશનમાં ગુનો નોંધાયો છે

બાઇક સ્લીપ

ધાંગધ્રા તાલુકાના કોંઢ ગામે રહેતા મુન્નાભાઈ શામજીભાઈ પરમાર (35) નામનો યુવાન બાઇકમાં પાછળના ભાગે બેસીને મોરબીમાં આવેલ કુબેર ટોકીઝ પાસેથી પસાર થઈ રહ્યો હતો ત્યારે બાઇક સ્લીપ થવાના કારણે અકસ્માત થયો હતો જે બનાવમાં યુવાનને ઇજા થઇ હોવાથી તેને સારવાર માટે લઈ ગયા હતા અને આ બનાવની જાણ પોલીસને કરવામાં આવી હતી