મોરબી બી ડિવિઝન પોલીસ સ્ટેશન વિસ્તારમાંથી બે બાઈકની ચોરી

મોરબીની રવિવારી બજારમાંથી અને વિદ્યુતનગર વિસ્તારમાં ઘર પાસેથી એક એક બાઈકની ચોરી કરવામાં આવી છે જેથી કરીને ભોગ બનેલા યુવાનોએ મોરબી બી ડિવિઝન પોલીસ સ્ટેશન ખાતે ફરિયાદ નોંધાવી છે જેના આધારે પોલીસે આગળની કાર્યવાહી હાથ ધરી છે.

વાંકાનેરના પંચાસિયા ગામે રહેતા દિલીપભાઈ પ્રેમજીભાઈ ચૌહાણ (35)એ મોરબી બી ડિવિઝન પોલીસ સ્ટેશન ખાતે મનોજભાઈ વરસીંગભાઇ જહાચીયા (26) રહે. જીન પ્લોટ વિસ્તાર હળવદ વાળાની સામે વાહન ચોરીની ફરિયાદ નોંધાવી હતી જેમાં તેને જણાવ્યું હતું કે મોરબીમાં પાડા પુલ નીચે ભરાતી રવિવારી બજારમાં તેણે પોતાનું બાઈક નંબર જીજે 3 સીએસ 2379 પાર્ક કરીને મૂક્યું હતું જે 20 હજાર રૂપિયાની કિંમતના બાઈકની ચોરી કરવામાં આવી હતી જેથી યુવાને નોંધાવેલ ફરિયાદ આધારે પોલીસે ચોરીનો ગુનો નોંધીને આરોપીની ધરપકડ કરી આગળની કાર્યવાહી હાથ ધરી છે આવી જ રીતે મોરબીના વિદ્યુતનગર વિસ્તારમાં રહેતા અમરેન્દ્રભાઈ જોગીભાઈ યાદવ (34)એ અજાણ્યા શખ્સની સામે મોરબી બી ડિવિઝન પોલીસ સ્ટેશન ખાતે વાહન ચોરીની ફરિયાદ નોંધાવી હતી જેમાં તેને જણાવ્યુ હતું કે તેઓએ પોતાના ઘર પાસે બાઈક નં. જીજે 11 એફએફ 7691 પાર્ક કરીને મૂક્યું હતું જે પંદર હજાર રૂપિયાની કિંમતના બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી યુવાને નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે

બાળક સારવારમાં

માળીયા મીયાણા તાલુકાના કાજરડા ગામે રહેતો સદામહુસેન સિકંદરભાઈ બાવરીયા (9) નામનો બાળકને બાઇકમાં બેસીને કાજરડા પાસેથી પસાર થઈ રહ્યો હતો ત્યારે તે બાઈકમાંથી પડી ગયો હોવાના કારણે તેને ઈજા થતાં મોરબીની ખાનગી હોસ્પિટલમાં સારવાર માટે લાવ્યા હતા અને આ બનાવની પોલીસને જાણ કરવામાં આવી છે

બાઇક સ્લીપ થતાં ઇજા

સુરેન્દ્રનગર જિલ્લાના કુડા ગામના રહેવાસી હરેશભાઈ બાલાભાઈ શેખવા (44) નામનો યુવાન બાઇક લઈને ગામ પાસેથી પસાર થઇ રહ્યો હતો ત્યારે બાઇક સ્લીપ થવાના કારણે અકસ્માત થયો હતો જે બનાવમાં તેને ઈજા થઈ હોવાથી તેને સારવાર માટે મોરબી લઈને આવ્યા હતા અને આ બનાવની પોલીસને જાણ કરવામાં આવી છે આવી જ રીતે હળવદ તાલુકાના ચાડધ્રા ગામના રહેવાસી વિજયભાઈ રાજેશભાઈ રાણેવાડિયા (20) નામનો યુવાન ખાવડી ગામ પાસે બાઈક લઈને પસાર થઈ રહ્યો હતો ત્યારે બાઇક સ્લીપ થવાના કારણે તેને ઈજા થઇ હોવાથી તે યુવાનને સારવાર માટે હોસ્પિટલે લઈને આવ્યા હતા અને આ બનાવની પોલીસને જાણ કરવામાં આવી છે