મોરબી તાલુકામાંથી સગીરાના અપહરણના ગુનામાં બે આરોપીની ધરપકડ

મોરબી તાલુકાના લીલાપર ગામેથી સગીરાનુ અપહરણ કરવામાં આવ્યું હતું જે ગુનામાં સંડોવાયેલ બે આરોપીની તાલુકા પોલીસ દ્વારા ધરપકડ કરવામાં આવેલ છે અને મોરબી તાલુકા પોલીસ દ્વારા આગળની કાર્યવાહી કરવામાં આવેલ છે.

મધ્યપ્રદેશના ધાર જીલ્લાના તિરલા પોલીસ સ્ટેશનથી અપહરણ, પોકસો સહિતની કલમ હેઠળની ફરિયાદ મોરબી તાલુકા પોલીસ સ્ટેશને ઝીરો નંબરથી આવેલ હતી. ત્યાર બાદ મોરબી તાલુકા પોલીસ સ્ટેશન ખાતે ગુનો નોંધીને પોલીસે આરોઈને પકડવા માટે અને સગીરાને શોધવા માટે તજવીજ શરૂ કરી હતી. અને એસપી રાહુલ ત્રીપાઠીની સૂચના મુજબ અને ડીવાયએસપી પી.એ.ઝાલાના માર્ગદર્શન હેઠળ તાલુકાનાં પીઆઇ એસ.કે. ચારેલ અને તેઓની ટિમ તપાસ કરી રહી હતી તેવામાં તાલુકાનાં પીએસઆઈ એસ.એચ.ભટ્ટ તથા નીરવભાઇ મકવાણા અને અર્જુનસિંહ પરમારે ટેકનીકલ વર્ક તથા હ્યુમન સોર્સથી માહિતી મેળવી મુખ્ય આરોપી કમલેશ હિરૂભાઈ અજનારને ભાવનગર ખાતે શોધી કાઢેલ તેમજ મહાવીરસિંહ પરમાર, વિજયભાઇ ડાંગર તથા શકતિસિંહ જાડેજાએ સહઆરોપી વિપીનભાઇ દસરીયાભાઇ બધેલને મોરબી તાલુકા લીલાપર ગામના પાછળ આવેલ પથ્થરની ખાણમાંથી શોધી કાઢી બંને આરોપીઓની ધોરણસર અટક કરી આગળની કાયદેસરની કાર્યવાહી કરેલ છે.