મોરબીમાં લાંચ સ્વીકારતા પકડાયેલ હેડ કોન્સટેબલના એક દિવસના રિમાન્ડ મંજૂર

મોરબીમાં પોલીસમાં ખોટી અરજી કરવામાં આવી હતી જે અરજીમાં ગુનો દાખલ ન કરવા માટે અને અરજીનો નિકાલ કરવા માટે 2.50 લાખની લાંચની માંગણી કરી હતી અને તે પૈકીનાં 2.35 લાખ રૂપિયા સ્વીકારતા મોરબી એ ડિવિઝન પોલીસ સ્ટેશનમાં ફરજ બજવતો હેડ કોન્સેટબલ એસીબીના છટકામાં પકડાયેલ હતો જેની સામે ગુનો નોંધીને આરોપીની ધરપકડ કરી હતી અને રિમાન્ડની માંગણી સાથે તેને કોર્ટમાં રજૂ કરતાં કોર્ટે આરોપીના એક દિવસના રિમાન્ડ મંજૂર કરેલ છે.

મોરબી એ ડિવિઝન પોલીસ સ્ટેશન વિસ્તારમાં આવતી નહેરુ ગેટ પોલીસ ચોકીમાં ફરજ બજાવતો હિતેશભાઈ મકવાણા નામનો હેડ કોન્સટેબલ અરજદાર પાસેથી દલવાડી ચાર રસ્તા પાસે આવેલ સુરેશ પાન પાર્લરની બાજુમાં લાંચ સ્વીકારતા બુધવારે મોડી સાંજે રંગે હાથ ઝડપાઈ ગયો હતો જેથી એસીબી પોલીસ સ્ટેશનમાં તેની સામે ગુનો નોંધીને એસીબીના અધિકારી તેની ધરપકડ કરી હતી અને આ પોલીસ કર્મચારી અરજદાર ફરીયાદી સામે કરવામાં આવેલ ખોટી અરજીમાં ગુનો ન નોંધવા માટે અને અરજીના નિકાલ માટે અરજદાર પાસેથી 2.50 લાખની લાંચ માંગી હતી અને તે પૈકીનાં 2.35 લાખ રૂપિયા આરોપીએ સ્વીકારતાની સાથે જ એસીબીની ટીમે તેની ધરપકડ કરી હતી આ આરોપીને મોરબીની કોર્ટમાં રિમાન્ડની માંગણી સાથે આરોપીને કોર્ટમાં રજૂ કરવામાં આવેલ હતો અને કોર્ટે તેના એક દિવસના રિમાન્ડ મંજૂર કરેલ છે તેવી માહિતી તપાસનીસ અધિકારી પીઆઇ દેકાવડિયા પાસેથી જાણવા મળેલ છે.